Në mesin e forcave të emergjencës që shpëtojnë jetë njerëzish në Turqi pas tërmetit shkatërrimtar janë edhe forcat shqiptare, të cilat po punojnë prej dy ditësh për të nxjerrë të lënduar nga rrënojat. Ministri i Mbrotjes Niko Peleshi ka postuar një video në rrjetin social Facebook, ku Forcat e Armatosura shqiptare shihen duke shpëtuar jetën e një fëmijë të bllokuar në shtëpinë e tij. “Në sfidë me rrënojat, motin e ftohtë e lodhjen, trupat tanë të FA janë duke punuar prej orësh, pa ndërprerje duke shpëtuar jetën e një fëmije 5 vjeç dhe duke nxjerrë nga rrënojat 6 trupa të pajetë në zonën e Mallatjas, në Turqi”, shkruan ministri Peleshi.