Nisjen e programit të finacimit të BE-së si donatori kryesor i Konferencës së Solidaritetit në Bruksel, për restaurimin dhe rrjetëzimin e monumenteve të kulturës të dëmtuara nga tërmeti i 26 nëntorit të vitit të kaluar, kryeministri Edi Rama e shfrytëzoi ndër të tjera për t`iu përgjigjur disa akuzave të opozitës lidhur me fondet e dhëna për këtë qëllim nga shtete anëtarë te bllokut. Kreu I ekzekutivit sqaroi se fondet në fjalë, administrohën nga vetë BE-ja. Duke kujtuar goditjen që morën disa monumente kulturore nga tërmeti shkatërrimtar, Rama ndaloi tek ai që e quajti “ një keqkuptim I fortë “ tek një pjesë e atyre që sytë i kanë e s’duan të shohin e veshët i kanë dhe s’duan të dëgjojnë, për të kuptuar se fondet e mbledhura në Bruksel, administrohen nga vete donatorët”. Kush thotë dhe përsërit si në jerb; “Ku i çuat paratë? Pse i vodhët paratë që ju dha bota?”, duhet të vënë në lëvizje dhe të dëgjoje këtë fakt. Të gjitha fondet e solidaritetit të BE, janë fonde që administrohen nga Bashkimi Europian. Nuk janë një thes që na e dhanë ne pas konferencës dhe ne e morëm dhe e tretëm, siç ju thotë fantazia atyre qe do e kishin bërë këtë gjë, ose mund ta kenë bërë me paratë e shqiptarëve në të shkuarën. I kërkoj ndjesë ambasadorit dhe miqve tanë, që janë partnerë në këtë projekt, duke kaluar më tutje me një shprehje falënderimi për të gjithë.