Top News – ‘Foltorja’ po nxjerr PD nga asfiksia / Shehu-procesi të vazhdojë aty ku merren vendimet

Deputeti i Partisë Demokratike dhe një nga figurat më të vjetra të saj, Tritan Shehu, i cili është rreshtuar haptazi në krah të ish kryeministrit Sali Berisha në përplasjen që ky i fundit ka me kryetarin demokrat Lulzim Basha, ka analizuar situatën politike të krijuar pas foltores. Shehu në një postim në rrjetet sociale ka nënvizuar se “Foltoret” po e nxjerr nga nje status quo paralizuese, asfiksuese, e pa shprese partinë demokratike. “Ne fakt po bëjë që antarët, militantët, mbështetësit, por jo vetëm kaq, edhe shumë qytetarë “indiferente” të diskutojne, të debatojne qofte dhe me pasion, të mendojnë tashmë në mënyrë më aktive. Pavarësisht nga shkaku iniciues, gjenerues i këtij procesi, ai tashmë po shtyn në drejtimin e duhur jo vetëm PD, por dhe opinionin publik shqiptar, po e “zgjon” dhe po e vë atë përpara mundësisë për t’u ngritur nga “shtrati”, që po të vazhdonte akoma kështu do te behej “shtrati i vdekjes” i demokracise shqiptare” thotë shehu në postimin e tij. Deputeti demokrat thotë me tej se e rëndësishme është që ky process të vadhdojë dhe të kalojë aty ku merren vendet në institucionet e PD. “Bëhet fjalë per Kuvendin Kombetar te PD, si nje domosdoshmeri per te sanksionuar ato norma demokratike, forma bashkejetese per te gjithe, te domosdoshme per te bere qe zhvillimet ne PD tu paraprijne atyre ne Shqiperi”. Ai nënvizon se këto procese mund të ishin ndërmarrë më parë. Por sipas Shehut më mirë vonë se kurrë pasi tashmë koha nuk pret, sepse ky regjim duhet përmbysur.