Deputeti Ralf Gjoni është përjashtuar seancën e sotmë nga Kreu i Kuvendit Gramoz Ruçi pas replikave me këtë të fundit. Debatet nisën pasi deputeti Ralf Gjoni nw fjalimin e tij kritikoi ashpër Luljeta Bozon, kandidaten për deputete në listën e PS në Tiranë, duke thënë se del e flet për komunizmin pa iu dridhur qerpiku. Fjala e deputetit Gjoni wshtw ndwrprerw nga kryetari i kuvendit, Gramoz Ruci, teksa i kujtonte se tema në rendin e ditës ishte ligji për Gardën e Republikës. Pas të gjithë kritikave, Gjoni debatoi me kryetarin e Kuvendit, i cili vendosi ta përjashtojë nga salla. Ruçi: E kuptoj që ju kanë zënë ethet elektorale, por jemi duke diskutuar ligjin për Gardën e Republikës. Ralf Gjoni: Z. Kryetar… Ruçi: Kush ta dha fjalën ty! Ulu poshtë. Të tërheq vërejtje. Po zapton foltoren! Ralf Gjoni: Më përmende emrin, dua ta sqaroj Ruçi: Nëqoftëse zapton foltoren, e di që përjashtohesh nga seanca. Ralf Gjoni: Nuk më frikëson! Ruçi: Edhe foltores edhe vendit tim i merr të keqen! Je i përjashtuar nga seanca. Ralf Gjoni: Nuk më përjashton dot ti nga seanca. Gramoz të lutem! Ruçi: Vazhdo se do kërkoj masën tjetër. Ralf Gjoni: Ti kujton se më tremb! Ruçi: Jo mo je trim i madh ti xhanëm. Zotëri po pengon folësen, mund të vazhdosh.