Mijëra pasagjerë përballen me anulime fluturimesh pasi kompanitë më të mëdha ajrore kanë ndalur në tokë me dhjetëra avionë Beoing pasi një prej tyre pati telashe mbi oregon në mes të fluturimit. Rregullatori amerikan i aviacionit tha se 171 boeing 737 max 9, do të qëndrojnë të ndalur në tokë pasi pjesë të një avioni të alaska airlines, ranë në tokë të premten. Alaska tha se rreth 23 mijë pasagjerë janë përballur me anulime fluturimesh të shtunën ndërkohë që priten edhe anulime të tjera. United Airlines ka ndalur në tokë të 79 avionët e saj Boeing 737. Shumë kompani të tjera, që po ashtu përdorin këta avionë, i kanë nxjerrë përkohësisht nga shërbimi. Kjo pason urdhrin e administratës federale të aviacionit për inspektime të menjëhershme të të gjithë boeingëve 737 në të gjithë botën. Inspektimet e urdhëruara kërkojnë nga katër deri në tetë orë për cdo avion. Boeing tha se mirëpret vendimin e administratës duke shtuar se ekipet e tij po kontaktojnë me rregullatorët. Gjatë incidentit të së premtes, fluturimi i alaska airlines 1282 nga Portlandi në oregon drejt Ontarios në Kaliforni, arriti në lartësinë 4800 metra kur nisi një ulje emergjence, sipas të dhënave të fluturimit. Pasagjerët në bord thanë se kishin ndjerë që një pjesë e jashtme e avionit kishte rënë në tokë menjëherë pas ngritjes në fluturim. Imazhe të transmetuara në media tregonin qiellin e natës dhe dritat e portlandit të dukshme përmes një vrime në trupin e avionit, me materialet izoluese dhe materialet e tjera që shiheshin po ashtu. Një pasagjer tha se vrima ishte e madhe sa një frigorifer ndërsa një tjetër tha se këmisha e një fëmije ishte grisur nga era ndërsa avioni bëri uljen e emergjencës. Avioni që mbante 177 pasagjerë dhe pjesëtarë të ekuipazhit në bord, u ul i sigurt në portland dhe disa pasagjerë ishin lënduar, por jo në gjendje të rëndë.