Dëshira për të kthyer klientët në fluturime, në një periudhë kufizimesh të mëdha për shkak të emergjencës shëndetësore, ka bërë që një kompani ajrore australiane, Qantas, të propozojë një udhëtim drejt askundit. Avioni do të niset më 10 tetor dhe do të fluturojë pa u ndalur askund, mbi atraksionet kryesore të australisë. Lajmi ka ngjallur interes të madh dhe biletat janë shitur në vetëm 10 minuta. Ideja e kompanisë ajrore lindi si përgjigje ndaj kufizimeve kombëtare dhe ndërkombëtare për shkak të koronavirusit. Pasagjerët do të kenë në dispozicion një avion Boeing Dreamliner, që përdoret vetëm për trajektoret ndërkombëtare, që do të niset dhe do të kthehet sërish në Sidnei, pa ndaluar askund. Kjo do të mundësojë që pasagjerët të evitojnë karantinën 14 ditore që kërkohet për banorët e të ashtuquajturave vatra të kuqe të covidit, kur udhëtojnë në një shtet tjetër australian. Avioni do të fluturojë mbi Uluru, monolitin e shenjtë në mes të një shkretëtire të kuqe, mbi ishujt ëhitsundays dhe mbi barrierën e madhe koralore. Është parashikuar madje edhe një fluturim në lartësi të ulët mbi gjirin e sidneit, portin spektakolar të qytetit. E gjithë kjo për një total prej shtatë orësh, gjatë të cilave pasagjerëve do tu shërbehet menuja e një kuzhinieri të famshëm vendas, Neil Perry. Bileta do të kushtojë nga 572 drei në 2754 dollarë dhe cmimi nuk i ka frenuar aspak të interesuarit. Një zëdhënës i Qantas ka konfirmuar se fluturimi është me gjasë i shituri më shpejt në historinë e kompanisë.