Deputetja demkrate Flutura Açka, nëpërmjet një reagimi në rrjetet sociale, ka uruar shqiptarët për ditën e rinisë e në veçanti demokratët. Sipas Flutura Açkës, demokracia në vendin tonë pas 33 vitesh është korruptuar, teksa nuk nguron të thumbojë edhe ish-drejtuesit e PD, përfshi ish-kryeministrin Berisha, i cili është non grata nga SHBA me akuzën e korrupsionit dhe minimit të demokracisë. “Tani, 33 vite më pas, ne demokratët, por edhe shqiptarët e ndjeshëm me fatin e atdheut të tyre, më të drejtë pyesin se çfarë e korruptoi demokracinë shqiptare, se përse jemi ende shumë larg asaj pritshmërie që kishim ditën që é nisëm betejën për pluralizmin, pse Europa dhe standardet e saj duken si mish i huaj për ne?”, shkruan Açka, teksa thekson: “Duhet një analizë é gjatë për ta shpjeguar këtë, por një përgjigjje të vjen në mend shumë shpejt: Po, sepse ëndrrat e vajzave dhe djemve studentë, dhe jo vetëm, të lëvizjes së vitit 1990, u uzurpua padrejtësisht nga të korruptuar, të shitur, të dobët, servilët dhe kriminelë të veshur me pushtet, duke i shmangur nga fusha politike é atyre që duhet ta çonin deri në fund misioni e tyre të lartë.”