Pak ditë para festave të Fundvitit dogana e Kpashticës ka patur një fluks të shtuar të pasagjerëve që kanë hyrë në drejtim të Shqipërisë. Vetëm në 24 orët e fundit janë futur në territorin shqiptar 5 mijë e 655 shtetas, ndërsa kanë dalë 2 mijë e 527 të tjerë. Bëhet me dije se gjatë orëve të ditës fluksi i pasagjerëve ka qenë nomal dhe nuk ka pasur pritje të gjata në radhë për të kaluar kufirin. Për shkak të rritjes së numrit të pasagjerëve gjatë orëve të fundit para festës kanë punuar me 5 deri ne 6 sportele në alternim në varësi të fluksit të krijuar. Flukse ka patur dhe në portet e Vlorës dhe Durrësit si dhe në pikën kufitare të Kakavijës. Numri i kalimtarëve do të vijoje të jetë i lartë edhe gjatë orëve në vijim pasi emigrantët shqiptarë që jetojnë në Greqi dhe Itali, por edhe në venbd etë tjera europiane pritet të kthehen në Shqipëri për të kaluar festat pranë familjeve të tyre.