Kapiteneria e Portit të Durrësit njoftoi se ka ndaluar hyrjen në radën e portit të anijes “Hanuman”, një tanker transportues karburantesh, që lundron nën flamurin e Sierra Leones. Anija rezulton e listuar nga Inteligjenca e Mbrojtjes së Ukrainës, GRU dhe shërbimet e tjera si pjesë e së ashtuquajturës “flotë hije” ruse. Në databazën zyrtare të GRU, “Hanuman” klasifikohet si anije e përfshirë në transportin e naftës ruse dhe produkteve të saj duke shkelur sanksionet e vendosura nga Bashkimi Europian. Sipas të dhënave të publikuara nga shërbimi ukrainas, në shtator të vitit 2025 “Hanuman” ka transportuar më shumë se 30 mijë tonë produkte nafte ruse nga porti i Novorosisk në drejtim të Turqisë. GRU gjithashtu raste të fikjes së sistemit të identifikimit automatik, AIS, si dhe hyrje të anijes në porte ruse. Në të dhënat e publikuara për “Hanuman” përfshihen edhe disa nga portet që anija ka vizituar, mes tyre Durrësi.