Flota e dytë e marinës amerikane ka shtuar forcat në atlantikun verior nga janari në prill, duke iu përgjigjur një kërkese nga komandanti amerikan në rajon në mesin e tensioneve të shtuara me Rusinë. Dislokimi në afat të shkurtër është vetëm hera e parë që flota e dytë e marinës amerikane ka komandën dhe kontrollin e forcave në evropë, përjashtuar rastet e stërvitjeve, dhe demonstron fleksibilitetin dhe gatishmërinë për reagim të saj. Flota e dytë u krijua në 2018-ën, si reagim ndaj aktivitetit të shtuar detar të rusisë në atlantikun e veriut, por zyrtarët kanë evituar ta lidhin dislokimin e fundit me sulmin e rusisë në Ukrainë. Ata thonë ndërkohë se e gjithë kjo ka si qëllim të dëshmojë kapacitetet e ushtrisë amerikane si edhe tregon angazhimin e saj në mbrojtje të aleatëve dhe partnerëve evropianë. Në këtë mision, flota e dytë me bazë në Virxhinia, ka komandën dhe kontrollin e destrojerëve USS Forrest Sherman, USS The Sullivans, USS Donald Cook dhe USS Mitscher. Një destrojer i pestë, USS Gonzalez, është nisur në udhëtim në janar por tani ka devijuar drejt Mesdheut dhe më pas Lindjes së mesme. Liderët e NATO-s kanë paralajmëruar kohët e fundit për nëndetëset ruse në ujërat e atlantikut, që janë më aktive dhe kanë armatime të reja me rreze më të gjatë veprimi. Zyrtarët amerikanë kanë thënë se prania e tyre në atlantik nënkupton se toka amerikane nuk është më e paprekshme.