Nëna e Violand Braçellarit, autorit të vrasjes së efektivit të policisë Enea Mekolli dhe plagosjes së efektivit tjetër Edison Adri ka folur në lidhje me ngjarjen e rëndë. E pyetur nga gazetarët lidhur me ngjarjen, Berdane Bracellari ka treguar si dëshmitare okulare versionin e saj mbi mëngjesin e datës 4 Qershor - "Kam qenë që në fillim, hyra në stallë si gjithmonë, në krahun matanë hyra vet, në anën tjetër hyn djali. Djali asnjëherë nuk më futej në punë, thjesht me ikën dy punëtorë dhe erdhi. Kisha një parandjenjë se përherë kemi qenë duke u mbrojtur për shkak të policisë. Erdhi policia, i thashë; "Djalë, erdhën". Djali qenka hedhur dritarja e vicave, aty ishte polici. Del lart djali, i bie polici. " Ajo pretendon se ka qenë policia që ka qëlluar e para ndaj djalit të saj dhe se nuk i thanë dorëzohuni. E moshuara tregon se Violandi ishte i dënuar me 10 vite burg dhe se nuk rrinte shpesh me të.