Një emigrant nga Irani, I cili I mbijetoi tragjedisë në kanalin mes Francës dhe Anglisë ku humbën jetën 27 persona, është shprehur se nëse do ti jepej mundësia edhe njëherë të dytë për të kaluar kufirin nga Franca në Angli do ta bënte përsëri. Në një dëshmi të dhënë pas mbijetesës për familjarët e tij, Mohammed Shekha, 21 vjeç, u shpreh se rrezikoi jetën e tij për të gjetur një punë në Mbretërinë e Bashkuar, me arsyen e vetme, sepse donte të paguante faturat mjekësore të motrës së tij të vogel Fatima, fatura të cilat, sipas tij kapin vlerën mijëra paund. Mohammed i dërgoi nënës së tij një mesazh zanor në orën 20:35 të së martës nga një kamp migrantësh në Francë përpara se të tentonte kalimin. Shekha i tha vëllait të tij Marwan, 18 vjeç, se kontrabandistët nuk ishin të sigurt për përpjekjen për shkak të kushteve të këqija të motit. Nga ana tjëtër, Marwan i tha The Sunday Times se Mohammed ka përdorur një rrjet kontrabandistësh për të bërë rrugën e tij nga Siria në Bjellorusi, pastaj përtej kufirit në Poloni dhe Gjermani, përpara se të përfundonte në Francën Veriore, e cila ishte ndalesa e fundit përpara kalimit të rrezikshëm të Kanalit. Ai kishte tentuar një kalim më parë, por u tërhoq përsëri në breg nga oficerët francezë të kufirit. Mohammed është një nga dy personat e vetëm që i ka mbijetuar tragjedisë së Kanalit të mërkurën, së bashku me një somalez të quajtur Omar.