Në kuadër të 110 vjetorit të Pavarësisë, kryebashkiaku Erion Veliaj ka uruar qytetarët përmes mediave sociale, ku bashkangjitur ka publikuar edhe një foto të Bashkisë Tiranë, të veshur me një flamur të madh kuq e zi. Gëzuar 110 vjetorin e Pavarësisë Tiranë, shkruan Veliaj. Ditët më të mira i kemi përpara! Bashkia Tiranë ka menduar që në shumë shtëpi, shqiptarët të nxjerrin një flamur Kuq e Zi që të valëvitet në dritaret e tyre. Në sheshin Nënë Tereza janë vendosur disa flamuj, në pritje të festës së 28 nëntorit. Në kuadar të festave të nëntorit, më datë 28 në Sheshin Skëndërbej në kryeqytet do të mbahet një koncert, ku të ftuar janë disa këngëtarë mjaft të njohur, mes tyre edhe Dua Lipa, e cila do ta mbyllë turin e saj botëror në Tiranë. Duke nisur me festat e flamurit për të vijuar me muajin e magjishëm të dhjetorit, në Tiranë do të ketë një sërë aktivitetesh. Dhjetori sjell një tjetër atmosferë festive në kryeqytet. Sheshi skënderbej mbushet me zbukurime, në kuadër të festave të funditit, ku aktivitete të shumta, zhvillohen aty, përfshirë këtu edhe lojra për fëmijë.