Flamingoja po shndërrohet në simbolin e një lufte të shekullit 21 kundër korrupsionit oligarkik. Kështu shkruan Euroactiv, në një artikull ku analizohet përfshirja e eurodeputetëve në protestën shqiptare. Grupi i të gjelbërve udhëtuan drejt Tiranës, mes tyre italiania Ilaria Salis, holandezja Anna Strolenberg dhe një sërë eurodeputetësh të tjera që kanë thelbin e ideologjisë së tyre politike mbrojtjen e mjedisit. Për të Gjelbrit, sondazhet nuk kanë qënë optimiste kohët e fundit. Ata kanë rënë nga vendi i katërt në të gjashtin në Parlamentin Europian, pasi humbën rreth 20 eurodeputetë në zgjedhjet e vitit 2024. – shkruan Euractiv - Të Gjelbrit fituan mbështetje popullore për rolin e tyre në protestat e vitit 2010. Kështu që, revolucioni i flamingove erdhi si një mundësi e mirë për t’u forcuar apo për të fituar pikë politikisht. “Për shqiptarët, flamingoja është simboli që vendi i tyre nuk është në shitje”, tha Jutta Paulus, një eurodeputete e Gjelbër e cila ndoqi nga afër protestat kundër resortit me pesë yje të dhëndrit të Presidentit Trump, Jared Kushner.