Situata e zjarreve vijonë të mbetet problem në disa zona të vendit. Gjatë orëve të fundit në të gjithë territorin janë regjsitruar 16 vatra zjarri, nga të cilat sipas Ministrisë së Mbrojtjes, 10 mbeten aktive dhe 2 po mbahen nën monitorim. Në mbështetje të operacioneve janë angazhuar 240 forca ushtarake, 3 automjete zjarrfikëse, 4 helikopterë dhe 2 avionë Air Tractor të Forcës Ajrore. Pas ndërhyrjeve nga ajri në Gojan e Gjegjan në Pukë, intensiteti I zjarrit ka rënë dhe nuk ka rrezik për banesat. Në terren janë 6 automjete zjarrfikëse me 29 efektivë MZSH, 10 punonjës të Shërbimit Pyjor, 50 forca bashkiake dhe 50 vullnetarë, të mbështetur nga 40 efektivë të FA-së, 1 automjet zjarrfikës dhe 2 helikopterë. Mjetet janë stacionuar në pikat me rrezik riaktivizimi për ndërhyrje të menjëhershme. Kryetari i Bashkisë Pukë, Rrok Dodaj tha se zjarret kanë qenë të qëllimshme