Zjarrfikësit në Los Anxhelos po luftojnë me një numër të madh zjarresh në periferi të qytetit, ndërsa dhjetëra mijëra banorë janë detyruar të braktisin banesat. Situata që ndryshon me shpejtësi ndërsa flakët të ndihmuara nga era dhe thatësira po përparonë me shpejtësi duke përpirë çdo gjë që u del para. Aktualisht autoritetet thonë se nuk kanë asnjë mundësi për të vënë nën kontroll zjarret. Zjarri i Palisades, i cili është më afër bregdetit dhe gjithashtu më madhi, ka goditur zonat periferike dhe piktoreske të cilat janë shtëpia e shumë yjeve të Hollivudit. Më shumë se 1000 ndërtesa janë shkatërruar tashmë. Ndërkohë po punohet nga ana e autoriteteve për të vendosur nën kontroll zjarret e mëdha, ku raportohet se janë katë vatra që po përhapen me shpejtësi. Të paktën 30,000 njerëz deri më tani janë urdhëruar të largohen nga shtëpitë e tyre. Zjarri i Eaton deri më tani ka djegur 1000 hektarë brenda gjashtë orëve të para që nga shpërthimi I flakëve. Ndërkohë zjarri I Hurst që ndodhet në veri të San Fernando, ka shkrumbuar rreth 500 hektarë.