Një zjarr i madh ka dalë jashtë kontrollit pranë zonës së Los Anxhelosut, ndërsa mijëra banorë janë evakuuar tashmë nga banesat e tyre, një pjesë e të cilave po digjen. Ndërkohë shumë të tjerë janë dërguar drejt spitalit për shkak se shfaqën probleme shëndetësore nga tymi por dhe u lënduan gjatë përpjekjeve për të shuar flakët. Një re e madhe tymi ka mbuluar qiellin ndërsa shumë shtëpi u shkrumbuan nga zjarri i madh, flakët të ndihmuara dhe nga era e fortë deri më tani raportohet se kanë djegur një sipërfaqe të madhe që arrijnë deri në 4200 hektarë. Zjarri përshkroi dhe shumë toka bijqësore duke goditur rëndë fermerët të cilët nxituan që të largonin kuajt dhe kafshët e tjera. "Është keq atje, por ne po i nxjerrim të gjithë jashtë," i tha një grua transmetuesit lokal KTLA teksa ajo largonte kuajt nga zona. Ende nuk dihet shkaku ndërsa autoritetet po ndërhyjnë nga ajri dhe toka por ende nuk e kanë neutralizuar.