Qindra zjarrfikës grekë luftuan me zjarret në veriperëndim të Athinës për të katërtën ditë, të hënën, pasi flakët e nxitura nga erërat e forta shkrumbuan shtëpi, mijëra hektarë tokë bujqësore dhe pyje pishe, dhe detyruan evakuime emergjente nga toka dhe deti. Dy persona në një helikopter zjarrfikës, një grek dhe një shtetas danez, vdiqën të dielën pasi helikopteri i tyre u rrëzua pas përplasjes në ajër me një helikopter të dytë. Ekuipazhi i avionit të dytë zjarrfikës, një grek dhe një britanik, i mbijetuan incidentit që ndodhi pranë Psatha-s, rreth 60 km larg Athinës. Aksidenti ajror i së dielës vjen pas një jave të zymtë për shërbimet greke të emergjencës. Tre zjarrfikës u vranë në dy incidente të ndara në Kretë dhe në Peloponez më 29 korrik në një fillim të trazuar të një sezoni zjarresh, i cili deri më tani ka qenë relativisht i butë sipas standardeve lokale.