Myslimanët në të gjithë botën, po festojnë Fitër Bajramin, që shënon fundin e muajit të shenjtë të ramazanit, por këtë vit luftimet në Gaza kanë zbehur festimet, veçanërisht në territoret e pushtuara palestineze. Përreth Qabesë, vendit më të shenjtë të islamit, në xhaminë e madhe në mekë, u mblodhën me mijëra besimtarë myslimanë për faljet e mëngjesit, në fundin e muajit të shenjtë të Ramazanit. Mbreti Saudit, Salman, ishte mes besimtarëve në Xheda ndërsa princi i kurorës, Mohamed Bin Salman, u fal në xhaminë e madhe të Mekës. Por në tokat palestineze, në rripin e gazës, ky bajram vjen në mesin e luftës e shkatërrimit. Besimtarët myslimanë u mblodhën për faljet e mëngjesit në xhaminë al aqsa në jeruzalem. Ndërsa shumë palestinezë, u falën mes rrënojave të ndërtesave të shkatërruara, në rrugët e Rafahut, në jug të rripit të gazës.