Qeveria finlandeze planifikon të amendojë legjislacionin e kufirit për të lejuar ndërtimin e barrierave në kufirin e saj lindor me Rusinë. E kjo është një lëvizje që synon të forcojë gatishmërinë ndaj kërcënimeve hibride në mesin e pushtimit rus të Ukrainës. Finlanda, që aktualisht po aplikon për anëtarësim në aleancën perëndimore Ushtarake të NATO-s, ka një histori luftrash me rusinë edhe pse aktualisht, zona kufitare e mbuluar me pyje mes dy vendeve është e shënjuar vetëm me shenja apo shirita plastikë për pjesën më të madhe të gjatësisë së saj prej 1300 kilometrash. Qeveria finlandeze ka nxituar të forcojë sigurinë e kufijve ndërsa druan se rusia mund të përpiqet të vendosë nën presion finlandën përmes dërgimit të azilkërkuesve në kufijtë e saj, ashtu sic bashkimi evropian akuzon Bjellorusinë se ka bërë në kufirin polak. Amendimet e ligjit do të lejonin edhe ndërtimin e barrierave por edhe rrugëve të reja për të ndihmuar patrullimin e kufirit në anën finlandeze.