Mijëra punonjës të industrisë së prodhimit të makinave në SHBA kanë njoftuar hyrjen ne një grevë me kërkesat kryesore rinovimet e kontratave me një pagë më dinjitoze. Unionin amerikan i punonjësve tha se grevës i janë bashkuar të paktën 10 mijë punonjës të fabrikave në pronësi të General Motors, Ford dhe Stellantis. Greva erdhi pasi kontratat e punës që skaduan të enjten mbrëma nuk u rinovuan me kushte financiare më të pranueshme për punonjësit. Greva kërcënon të shkaktojë çmime më të larta të automjeteve në treg dhe ndërprerje të mëdha për gjigantët e industrisë motorike. Greva filloi në mesnatën me orën lokale në fabrikën e kamionëve të madhësisë së mesme të General Motors në Uentzvillë të Misurit, më pas në fabrikën e Ford-it në Bronko të Miçiganit dhe në fabrikën e Jeep në Toledo të Ohio, që është në pronësi të Stellantis. Tre fabrikat prodhojnë pjesët kritike për automjete e tre kompanive më të mëdha amerikane. Shtëpia e Bardhë njoftoi se Presidenti Joe Biden kishte folur në telefon me udhëheqësit e unionit të punonjësve, pa dhënë më shumë detaje.