Dashuria për futbolin dhe veçanërisht për klubin e Napolit, I ka kushtuar arrestimin një të shumëkërkuari të policisë italiane, ndaj të cilit ishte lëshuar një urdhër arresti ndërkombëtar që prej vitit 2012. Arratia më shumë se 10-vjeçare e 60-vjeçarit Vincenzo La Porta, mori fund mbrëmjen e të premtes, kur u arrestua nga policia greke në ishullin e Korfuzit, aty ku edhe strehohej vitet e fundit. Policia italiane e kishte shpallur në kërkim, por pa mundur të grumbullojë të dhëna mbi La Porta-n, i cili akuzohet ëpr lidhje me grupin kriminal Camorra, evasion fiskal, pastrim parash dhe krime të tjera. Vincenzo La Porta ia kishte dalë të fshihet më së miri, por kur Napoli u shpall kampion, ai iu bashkua një feste me disa tifozë të tjerë të të kaltërve, pikërisht në ishullin grek të Korfuzit.