Si çdo vit, në Kinë ka nisur festivali 10 ditor i therjes së qenëve. Ky festival cilësohet si një nga festivalet më barbare dhe më të neveritshme të të gjitha kohërave. Mijëra qytetarë janë mbledhur për të parë therjen e 5 mijë qenve. Edhe pse prej vitesh, ka pasur një reagim të ashpër në lidhje me këtë festival mizor, zhvillimi i tij nuk u ndalua as vitin e kaluar, kur e gjithë bota ishte e izoluar për shkak të epidemisë së koronavirusit. Gjë që bëri çudi, pasi përhapja e pandemisë mendohej të ishte përhapur nëpërmjet kafshëve të egra. Kjo ngjarje vjetore, gjithmonë provokon zemërimin e aktivistëve të cilët çdo vit ngrejnë zë mbi këtë fenomen. Por edhe pse ankesat e aktivitetve kanë qenë të shumta, efekti i tyre ka qenë shumë i dobët në parandalimin e përhershëm të këtij festivali. Këlyshë të shumtë janë parë të theren që përpara nisjes së kremtimeve. Nga ana tjetër dy qytete kineze, Shenzheni dhe Zhuhai, e kanë ndaluar konsumin e mishit të qenit në mesin e pandemisë së koronavirusit. Më herët, një grup aktivistësh arritën ta ndalonin një kamion me qenë të nisur drejt Yulin dhe i liruan kafshët e ndodhura brenda tij, por kjo nuk mjafton për të shpëtuar edhe të tjerët.