Të paktën tre persona janë vrarë dhe dhjetëra të tjerë janë plagosur pasi një sasi eksploziv u hodh mbi një turmë në një festival në Tajlandë. Sulmi ndodhi pak para mesnatës me orën lokale në panairin e Kryqit të Kuq Doi Loyfa, që mbahet çdo vit në povincën veriore Tak. Dy të dyshuar po mbahen në paraburgim, por asnjë akuzë nuk është ngritur për ta, raportojnë Associated Press dhe mediat lokale, duke cituar policinë tajlandeze. Të paktën 48 persona janë plagosur, gjashtë prej të cilëve janë në gjendje të rëndë rëndë, tha policia. lënda plasëse u hodh poshtë skenës ku qindëra njerëz ishin duke kërcyer gjatë aktivitetit. Kryeministrja e vendit shprehu ngushëllimet e saj për familjet e të vrarëve dhe të plagosurve në një postim në X. Ajo tha se kishte kërkuar nga policia dhe agjencitë e sigurisë që të hetojnë shkakun e shpërthimit dhe të ndihmojnë të prekurit. Sipas Bangkok Post, mes 8,000 dhe 9,000 njerëz morën pjesë në festivalin njëjavor këtë vit, dhe sulmi ndodhi në natën e parafundit të ngjarjes.