Skena festive u panë në të gjithë spanjën ndërsa kufizimet për shkak të koronavirusit përfunduan mesnatën e të shtunës. Spanja ka qenë nën gjendje emergjence që nga tetori, dhe është përpjekur të mbajë nën kontroll përhapjen e koronavirusit, por të dielën, gjendja e emergjencës përfundoi dhe spanjollët u derdhën nëpër rrugë për të festuar. Për të parën herë në shumë muaj, nuk kishte ndalim qarkullimi dhe as kufizime në udhëtim. “Më kishte ardhur në majë të hundës fakti që nuk mund të dilja nga madridi”, tha për AFP një banore e kryeqytetit. Turmat në barceloë e pritën mesnatën me duartrokitje dhe muzikë. Është sikur të jemi në natën e ndërrimit të viteve – thotë Oriol Corbella. “Duket se po kthehemi në normalitet, në liri, por duhet të mbajmë parasysh gjithnjë që virusi vazhdon të qarkullojë rreth nesh. Autoritetet ndërkohë janë më pak të ekzaltuar. Gjendja e emergjencës ka lejuar liderët rajonalë të vendosin kufizime ndërsa një raport i ministrisë së shëndetësisë të enjten paralajmëroi se heqja e masave tani mund të cojë në një rritje të infektimeve. Një në pesë shtretër në terapitë intensive në spanjë është ende i zënë nga një pacient me covid.