Sicc ka qenë traditë ccdo vit, edhe këtë herë shqiptarët që jetojnë në Greqi dynden drejt pikave të kalimit kufitar për të kaluar festat e fundvitit në atdhe. Në pikën e kalimit kufitar Kakavijë gjatë 24 orëve të fundit lëvizën 8.277 shtetas, nga të cilët 5.724 në hyrje dhe 2.553 në dalje. Fluksi i lartë po menaxhohet me dy sportele nga pala greke, duke shkaktuar rradhë të gjata në kufi të udhëtarëve që vijnë me automjete nga shteti fqinj, ndër sa qarkullimi në drejtimin dalje paraqitet më i qetë. Lëvizje të shumta ka patur edhe në kufirin midis Shqipërisë dhe Kosovës. Radhë të gjata automjeshtesh janë krijuar pas hyrjes në pikën kufitare të Vermicës . Sipas informacioneve, ndërprerja e enegjisë elektirke ka shtuar fluksin në sportelet e pagesës së siguracionit jeshil për automjetet me targa të huaja që do të futen në Kosovë. Edhe në portin e Vlorës fluksi ka qenë i lartë, sidomos mëngjesin e kësaj të diele ku në Vlorë mbërritën 692 pasagjerë dhe 147 automjete me tragetin e linjës Brindisi–Vlorë. Ditët e fundit të vitit 2025 kanë sjellë një fluks të shtuar në këtë port, ku qytetarë shqiptarë që jetojnë dhe punojnë jashtë vendit po kthehen për të kaluar festat pranë familjeve të tyre. Parashikohet që piku i fluksit të regjistrohet në datat 23–24 dhjetor, si dhe në periudhën 26–29 dhjetor, kur numri i udhëtarëve dhe automjeteve do të jetë më i lartë.