Tre viktima dhe një e plagosur ishte bilanci I një aksidenti rrugor të ndodhur orët e para të mëngjesit të kësaj të enjteje në aksin Gjirokastër-Tepelenë. Festa e katër të rinjve u kthye në tragjedi këtë fillim viti pas një përplasje fatale me makina në vendin e quajtur Bypass. Viktimat janë Klejdi Myftari 24-vjeç, Anxhelo Ruçi 28-vjeç dhe Martin Dulaj 26-vjeç. Ndërsa u transportua në gjendje të rëndë drejt spitalit të Traumës Arsida Demiri 20-vjeçe. Të rinjtë kishin dalë për të festuar, ku Klejdi Myftari ishte bashkë me Anxhelo Ruçin duke lëvizur me një makinë tip Volksëagen. Ndërsa viktima tjetër Martin Dulaj ndodhej në makinën tip benz me 20-vjeçaren. Goditja mes mjeteve ishte tejet e fortë, pasi siç edhe shihet të dyja makinat pothuajse u shkatërruan. Dy shoferët bashkë me pasagjerin Anxhelo Ruçi ndërruan jetë në vengjarje. Aksidenti i rëndë ndodhi rreth orës 03:20 ndërsa shkak paraprak dyshohet se u bë shpejtësia e lartë dhe mos respektimi I rregullave të qarkullimit rrugor. Lidhur me rastin po vijojnë hetimet, me qëllim zbardhjen e plotë të rrethanave të ngjarjes, që përfundoi me një bilanc tragjik.