Besimtarët e Krishterë në Shqipëri kremtuan lindjen e Jezu Krishtit, duke shënuar një ditë paqeje, mirësie dhe dashurie. Në Lezhë rituali fetar i Krishtlindjes u mbajt në Katedralen e Shën Nikolli. Në Vlorë besimtarët e krishterë ndezën qiri dhe u lutën në kishën 'Shën Theodori'. Mesha u drejtua nga At Kostandin Prifti, i cili përçoi mesazhin e harmonisë, paqes dhe shëndetit. Besimtarët katolikë të Shkodrës festuan ditën e shenjtë të lindjes së Krishtit në katedralen e Shën Shtjefnit, teksa për ortodoksët e Korçës ishte përgatitur një mesazh paqeje nga Imzot Joani. Krishtlindjet u kremtuar në Gjirokastër me meshën qëndrore të mbajtur në katedralen e Hyjlindëses teksa në Fier dhjetra besimtarë u mblodhën në kishë e Shëngjergjit ku u mbajt mesha nga Mitropoli Apolonisë dhe i Fierit Hirësi Nikolla.