Një shpërthim i fortë është regjistruar në një fushë nafte dhe gazi me rëndësi strategjike në rusi në mesin e dyshimeve se ato kanë qenë në shënjestër të akteve të sabotazhit. Flakë ferri ngriheshin deri në qiell nga zjarri i stërmadh në Markovskoje, incidenti më i fundit ky në një seri shpërthimesh dhe zjarresh që duket se lidhen me luftën në Ukrainë. Imazhet dramatike tregonin skena ferri të shkaktuara nga vorbullat e zjarrit në distriktin lindor të siberisë Ust-kut, në rajonin e Irkutskut. Të paktën shtatë persona janë lënduar në shpërthimin në Angarsk, në të njëjtin rajon ku tre ditë më parë u regjistruan tre raste të ngjashme, që u krahasuan madje nga banorët lokalë me një tërmet apo me një rrëzim avioni për sa i takon forcës. Kohët e fundit ka patur shpërthime dhe zjarre edhe në qendra të mëdha tregtare përvec impianteve të energjisë.