Më shumë se 10,000 persona u evakuuan gjatë natës në Francën jugperëndimore, ndërsa një zjarr i madh që po përhapet me shpejtësi përfshiu 2,000 hektarë tokë në perëndim të qytetit të Bordeaux, thanë zyrtarët të enjten. Zjarret kanë djegur më shumë sipërfaqe në Evropë këtë vit sesa mesatarja vjetore në dy dekadat e fundit, tregojnë të dhënat, pasi kontinenti që po ngrohet më shpejt në botë ka përjetuar tre valë nxehtësie mbytëse, praktikisht njëra pas tjetrës, deri më tani këtë vit. Pesëqind zjarrfikës po luftojnë për të kontrolluar flakët, tha prefektura, duke shtuar se zjarri ishte shumë i ashpër, por se askush nuk është lënduar deri më tani. Zjarri ka rrethuar zonën e Gjirit të Arcachonit, një pikë e nxehtë turistike, dhe shumë prej të evakuuarve janë turistë që qëndrojnë në kampingje. Dy zjarrfikës humbën jetën në francë të martën ndërsa mjeti i tyre u përfshi nga flakët në rajonin jugperëndimor të Girondës, autoritetet u bënë thirrje njerëzve të shmangin përdorimin e barbekjuve në zonat e goditura nga valët e të nxehtit, duke theksuar se nëntë nga 10 zjarre fillojnë, aksidentalisht ose jo, si rezultat i aktivitetit njerëzor.