Ndërsa numri i bagëtive po bie me shpejtësi, fermerët u janë drejtuar koshereve dhe prodhimit të mjaltit. Sipas Monitor, rritja e kërkesës, për rrjedhojë edhe ajo e çmimit ka bërë që një pjesë e fermerëve të zhvendosen drejt bletarisë. Nga të dhënat e INSTAT, vitin e kaluar numri i koshereve u zgjerua me 8 për qind, ndërsa prodhimi i mjaltit 4.5 për qind në krahasim me vitin 2022. Gjatë 10 viteve të fundit numri i koshereve dhe prodhimi i mjaltit thuajse është dyfishuar. Në vitin 2023 në të gjithë vendin u prodhuan rreth 5,600 tonë mjaltë. Nga të dhënat e INSTAT, sipas bashkive, numrin më të madh të koshereve e ka bashkia e Vlorës me mbi 23 mijë. Fieri është bashkia e dytë me numrin e lartë të koshereve me mbi 15 mijë dhe pas saj renditet Bashkia e Tropojës me rreth 15 mijë të tilla. Çmimet e larta ka ndikuar në rritjen e investimeve në koshere të cilat po zgjeron viti pas viti.