Tre shqiptarë janë burgosur në Britaninë e Madhe pasi akuzohen për kultivim të lëndëve narkotike, të llojit kanabis. 3 të rinjtë shqiptarë Agron Aruci, 30 vjeç, Bedri Elezi, 36 vjeç dhe Fabjol Mucaj, 21 vjeç, të gjithë shtetas shqiptarë, u deklaruan fajtorë pasi u kapën në një 'fermë kanabisi'. Elezi u dënua me 2 vite burg, ndërsa Aruçi dhe Muçaj me nga 22 muaj burg. Siç raportojnë mediat britanike, tre shqiptarët janë arrestuar në mars të këtij viti në një fabrikë kanabisi me vlerë 88 mijë paund. Gjatë seancës gjyqësore, Elezi dhe Muçaj deklaruan se vepruan nën presion, ndërsa Elezi dëshmoi se punonte si shofer. 3 shqiptarët e arrestuart në Angli ranë në pranga pasi i kishin impiantet në tre kate të një dyqani të zbrazët dhe policia i pa ata herët një mëngjes teksa hynin në ndërtesë. Forcat policore i kapën ata në flagrancë dhe gjykata e Britanisë së Madhe i dënoi ata me burg.