Një festë për ditëlindjen e 23-të të Otavio-s është kthyer në skandal të madh për klubin e Portos në Portugali. Lojtarët ishin duke festuar dhe duke konsumuar alkool në shoqërinë e një grup vajzash kur pas mesnate aty ndërhyri policia dhe ndërpreu gjithçka. Sipas raportimeve të “O Jogo”, festa filloi në orën 20:00 në një lokal të njohur në zonën e Boavistës dhe zgjati deri në orën 04:00 të mëngjesit, mes alkoolit, femrave dhe muzikës. Në rrjetet sociale qarkullojnë shumë video ku lojtarët shihen duke festuar, në kundërshtim me rregulloren e brendshme të klubit. Në festë u përfshinë disa lojtarë. Ndërsa tifozët janë rebeluar. Ata shkuan në stadium dhe ofenduan grupin e futbollistëve. Situata në klub nuk është e mirë, me Porton në vendin e katërt, ndaj sjellja e lojtarëve i ka zemëruar rëndë tifozët, që kërkojnë disiplinë dhe përkushtim në një periudhë kaq delikate të sezonit.