Presidenti francez, Emmanuel Macron, ka njoftuar synimin e tij për të kërkuar miratimin e një projektligji që do t’u ndalonte fëmijëve dhe adoleshentëve nën moshën 15-16 vjeç të përdorin rrjetet sociale. "Do t’u kërkojmë të gjitha rrjeteve sociale të verifikojnë moshën dhe të vendosin një kufi prej 15-16 vjeç. Do të themi, kushdo nën këtë moshë do të ndalohet të hyjë në rrjetet sociale," tha Macron. Presidenti francez ka shprehur angazhimin e tij për të sjellë projektligjin përkatës sa më shpejt të jetë e mundur, duke planifikuar që ai të paraqitet në parlament në fillim të vitit 2026. Ai gjithashtu ka garantuar se ky ligj do të miratohet para përfundimit të mandatit të tij presidencial. Macron ka theksuar se kjo iniciativë synon të ndjekë "modelin australian", pasi Australia ka qenë vendi i parë që ka futur një ligj të ngjashëm, i cili ndalon përdorimin e rrjeteve sociale për fëmijët nën moshën 16 vjeç