Këshilli Ndërfetar i Shqipërisë ka reaguar pas urdhrit të Ministrisë së Shëndetësisë për terapinë hormonale tek transgjinorët përfshirë këtu të miturit. Përmes një reagimi zyrtar ky këshill kërkon që institucionet përgjegjëse të bëjnë publike: -Bazën shkencore dhe mjekësore mbi të cilën është hartuar ky udhëzues; -Arsyetimin shkencor, mjekësor dhe etik që justifikon miratimin me procedurë të përshpejtuar të këtij urdhri; -Bazën juridike dhe kompetencat ligjore mbi të cilat mbështetet miratimi i tij; -dhe Arsyetimin dhe kriteret mbi të cilat është përfshirë edhe kategoria e personave të mitur në këtë rregullim.