Rreth dy javë pas atetantit ndaj kandidatit republikan për president amerikan Donald Trump, FBI ka përgënjështruar zërat që flasin për një inskenim, duke konfirmuar në këtë mënyrë se ndaj tij u qëllua me një plumb të vërtetë. Përmes një deklarate FBI tha se Trump u godit nga një plumb, i cili u shkrep nga arma e një personi, i cili tashmë është i vdekur. Zëdhënësi i fushatës elektorale të ish-Presidentit Trump i tha agjencisë së lajmeve Reuters se çdo variant tjetër se ish-presidenti mund të ishte goditur nga një gjë tjetër, ishte lidhej me teoritë konspirative që synojnë të ulin Trump. Deri më tani, agjentët federalë të zbatimit të ligjit të përfshirë në hetim, përfshirë FBI-në dhe Shërbimin Sekret, nuk kishin pranuar të jepnin informacion në lidhje me atë që shkaktoi lëndimet e Trump. Fushata e Trump ka refuzuar gjithashtu të nxjerrë të dhënat mjekësore nga spitali ku ai u trajtua për herë të parë ose të vërë në dispozicion mjekët atje tu përgjigjen gazetarëve. Trump u shfaq të shtunën për herë të parë pa një fashë në veshin e tij të djathtë. Fotografitë dhe videot nuk treguan asnjë shenjë të gjakderdhjes apo shenjë të dallueshme.