Veprimet vendimtare të Shteteve të Bashkuara tani mund të përshpejtojnë përfundimin e luftës ruse kundër Ukrainës vitin e ardhshëm, tha presidenti Volodymyr Zelenski pasi i kishte thënë më herët ABC Neës se vendi i tij ishte "më afër fundit të luftës". "Tani, në fund të vitit, ne kemi një mundësi reale për të forcuar bashkëpunimin midis Ukrainës dhe Shteteve të Bashkuara," tha Zelenski në një postim në aplikacionin e tij të mesazheve Telegram pas takimit me një delegacion dypartiak nga Kongresi i SHBA. Veprimi vendimtar tani mund të përshpejtojë përfundimin e drejtë të agresionit rus kundër Ukrainës vitin e ardhshëm. Zelenski ndodhet në Shtetet e Bashkuara për Asamblenë e Përgjithshme të OKB-së. Më vonë gjatë javës ai do të udhëtojë në Uashington për të paraqitur "planin e tij të fitores" dhe për tu përpjekur që të ndikojë në politikën e Shtëpisë së Bardhë për luftën, pavarësisht se kush fiton zgjedhjet në SHBA më 5 nëntor.