Fashizmi është histori – thotë liderja e të djathtës ekstreme në Itali Giorgia Meloni, në një video mesazh që kishte në shënjestër kritikët ndërkombëtarë, të alarmuar nga fitorja e parashikuar e saj në zgjedhjet e 25 shtatorit. 45 vjecarja, partia e të cilës Vëllezërit e Italisë, po kryeson në sondazhe, regjistroi një monolog në gjuhën angleze, spanjolle dhe franceze, ku mbronte luftën e saj për stabilitet, liri dhe prosperitet. “Kam dëgjuar të thuhet se fitorja e Vëllezërve të Italisë në zgjedhjet e shtatorit do të ishte një katastrofë dhe do të conte në një kthesë autoritare ose largimin e italisë nga Euro apo absurditete të tjera të këtij lloji. Asgjë nga këto nuk është e vërtetë”, tha ajo në videon dërguar gazetarëve të huajë. Ajo po ashtu dënoi si absurd edhe nocionin se do të vendoste në rrezik reformat strukturore afatgjata për të cilat është rënë dakord me Bashkimin Evropian, në këmbim të miliarda eurove fonde të rimëkëmbjes pas pandemisë. Vëllezërit e Italisë, që Meloni e ka themeluar në 2012, është një pasardhëse politike e Lëvizjes sociale italiane, krijuar nga mbështetës të diktatorit fashist Benito Musolini pas luftës së dytë botërore.