Familja e ish-presidentit të Kosovës, Ibrahim Rugova, ka reaguar për ngritjen e aktakuzës të Prokurorisë së Specializuar ndaj presidentit Hashim Thaçi dhe kreut të PDK-së, Kadri Veseli. Në deklaratën e lëshuar prej saj tregohet se beson në pafajësinë e të dy liderëve. Në gjykimin e Sllobodan Milloshevicit, kujtojnë të afërmit e ish presidentit, udhëheqësit të Serbisë dhe arkitektit të gjitha krimeve dhe tragjedive në Kosovë, në Tribunalin e Hagës për krime të luftës, Presidenti i Kosovës, Dr.Ibrahim Rugova, në cilësinë e dëshmitarit, midis tjerash pati deklaruar se UÇK erdhi si përgjigje ndaj dhunës së ushtruar në Kosovë për një periudhë të gjatë. Kjo ka qenë një organizatë e përbërë nga qytetarët që iu përgjigjën ndaj dhunës, me qëllimin e fitimit të lirisë së popullit. Ky ishte synimi i tyre,’ pat qenë komenti I tij. “ Për fat të keq, njëzet e më shumë vjet pas përfundimit të luftës, pushteti në Serbi nuk e ka pranuar këtë histori tragjike të Kosovës të shkaktuar prej tij”, thonë familjarët e Rugovës, të cilët theksojnë se janë të bindur për pafajësinë e kreut të shtetit dhe ish-Kryetarit të Kuvendit. Politika kosovare u trazua fort prej aktpadisë së paraqitur ndaj të Thacit pikërisht në kohën kur ai ishte në përgatitjet e fundit për pjesëmarrjen në takimin e Ëashingtonit për dialogun Kosovë-Serbi, të ndërmjetësuar nga Richard Grenell.