Presidentit Joe Biden dhe familjes së tij iu dhanë dhjetëra dhurata të kushtueshme nga udhëheqës të huaj gjatë vitit 2023, sipas kontabilitetit vjetor të botuar nga Departamenti i Shtetit. Dhurata më e shtrenjtë për zonjën e parë, Jill Biden ka qenë një diamant me vlerë 20 mijë dollarë nga lideri i Indisë. Diamanti 7.5 karat nga kryeministri Indian, Narendra Modi ishte dhurata më e kushtueshme, teksa në vend të dytë qëndron një karficë me vlerë 14 mijë dollarë nga ambasadori ukrainas në Shtetet e Bashkuara dhe një byzylyk me vlerë 4510 dollarë nga presidenti dhe zonja e parë e Egjiptit. Vetë presidenti amerikan mori një sërë dhuratash të shtrenjta, duke përfshirë një album fotografik përkujtimor me vlerë 7,100 dollarë nga presidenti i Koresë së Jugut, një statujë prej 3,495 dollarësh të luftëtarëve mongolë nga kryeministri mongol, një tas argjendi prej 3,300 dollarësh dhe një tabaka argjendi prej 3160 dollarësh nga presidenti i Izraelit.