Me debate nisi seanca parlamentare e së enjtes në Kuvendin e Shqipërisë, e shkak për këtë është bërë projektligji për faljen e gjobave për ndërtimet pa leje, ato të AKU dhe Inspektoratit Shëndetësor. Kreu i grupit parlamentar të Partisë Demokratike, akuzoi maxhorancën se po fut me një procedurë antikushtetuese të përshpejtuar dhe pa konsultime dhe diskutime një projektligj për faljen e gjobave në disa kategori, që është pika më e rëndësishme e rendit të ditës në Parlament ditën e sotme. Sipas saj e gjithë kjo po bëhet për qëllime elektorale. SINK“Detyra e Kuvendit është t’i qëndrojë strikt Kushtetutës dhe procedurës parlamentare. Keni shkelur çdo procedurë parlamentare me ligjin e faljes se gjobave. Nuk ka asnjë vendim të seancës plenare për të shqyrtuar me procedurë të përshpejtuar këtë ligj. Ju e keni fut në shkelje të rregullores. Afatet nuk janë vendosur kot, afatet janë vendosur që diskutimi të jetë real. Jeni në shkelje të Kushtetutës, është ligj me efekte financiare dhe do duhej të kishte mendim nga ana e Këshillit të Ministrave. Sa i takon thelbit të ligjit ne kemi bërë propozime reale”, Sipas Bardhit për një projektligj të tillë do të duhej konsultim me grupet e interesit, teksa kërkoi zbatim i rregullores dhe Kushtetutës.