Talebanët kanë tani rreth 48 mjete fluturuese luftarake, mes të cilëve Black Haëks që SHBA i ka dhuruar afganistanit si edhe avionë luftarakë A-29, pasi kolapsi i ushtrisë afgane i la ata me më shumë fuqi ajrore se shumë vende të NATO-s. Xhihadistët kanë shtënë në dorë tashmë disa baza të mëdha ajrore mes të cilave ato në Herat, Khost, Kunduz, Mazar i Sharif dhe Kabul e madje kanë mundur të ngrenë një Black Haëk kundër luftëtarëve të rezistencës të mbledhur në Luginën e Panjshirit. Ata me shumë krenari kanë postuar në mediat sociale foto të helikopterëve Black Haëk, vetëm një prej të cilëve kushton mbi 6 milionë dollarë si edhe një avion transportues Hercules, me vlerë 14 milionë dollarë. Gjithcka ju nevojitet tani talebanëve janë pilotë nga forcat e shpërbëra ajrore afgane për të drejtuar dhe menaxhuar helikopterët dhe avionët që ata kanë në duar. Shefat talebanë raportohet se kanë urdhëruar trupat e tyre që të gjejnë pilotë nga Forcat Ajrore të shpërndara afgane, të cilët kanë bërë trajnime të shtrenjta nga SHBA dhe aleatët e saj, për të drejtuar avionë dhe helikopterë ushtarakë të teknologjisë së lartë. Pa pilotë të specializuar, ngritja në ajër e një mjeti të tillë të sofistikuar është pothuajse e pamundur për një amator - por disa video të terroristëve sugjerojnë se ata kanë nisur rekrutimet. Para rënies së Kabulit, shumë nga avionët dhe helikopterët në fakt u nxorrën jashtë funksionit nga trupat amerikane, ndërsa të tjerë u dërguan në vendet fqinje. Para rënies së vendit në duart e talebanëve, Forcat Ajrore Afgane kishin 167 avionë, përfshirë 108 helikopterë dhe 59 avionë, sipas një inspektimi zyrtar të qeverisë amerikane më 30 qershor. Përpara rënies së Kabulit, Uzbekistani konfirmoi se 46 aeroplanë afganë, përfshirë 24 helikopterë, kishin mbërritur në vend për të parandaluar që ata të binin në duart e talebanëve. Komandanti i misionit të evakuimit të SHBA, gjenerali Frank McKenzie, tha se trupat amerikane çaktivizuan 73 avionë para se të largoheshin përfundimisht nga vendi të hënën mbrëma. E kjo lë në duart e xhihadistëve tani rreth 48 avionë dhe helikopterë dhe kjo sasi është më e madhe se ajo që disponojnë një e treta e vendeve anëtare të natos së bashku, mes të cilëve Shqipëria, Bosnja, Estonia, Islanda, Letonia, Lituania, Luksemburgu, Mali i zi, Maqedonia e veriut dhe Estonia.