Nuk është hera e parë që kryeministri Berisha në postimet e tij del bllof. Paraditen e kësaj të enjteje në rrjetin social facebook, në faqen e tij zyrtare ish kryeministri Berisha ka postuar një foto të ministres Manastirliu në Komitetin Teknik. Teksa poston foton, Berisha shkruan se në komitetin teknik të ekspertëve ndalohet maska dhe distance, duke pretenduar se anëtarët e këtij Komiteti Teknik nuk respektojnë masat mbrojtëse. Por, për këtë lajm të rremë ka reaguar vetë Manastirliu e cila e nxjerr bllof. Ajo shkruan se Berisha ka marrë një foto të saj në datën 8 mars të këtij viti, Komitetin Teknik të Ekspertëve. Duke mos mohuar foton, ministrja shkruan se siç mund të verifikohet lehtësisht në Instagram, fotografia është e datës 8 mars 2020 dhe jo në ditët e sotme. “Domethënë, është shkrepur në një ditë kur në Shqipëri nuk kishte as edhe një rast të konfirmuar me Covid-19. Doktor Vde kja, siç bën shpesh këto kohë, e ka marrë dhe e paraqet si fotografi të këtyre kohëve. Eshtë thjesht GËNJESHTËR. Respekt për punën e Komitetit të Ekspertëve. Neveri për Doktorin e Vde kjes dhe të gjithë adhuruesit e katastrofës’ mbyll postimin e saj në facebook, ministrja e shëndetësisë.