Pas disa muajsh hetime, nën drejtimin e Prokurorisë Gjirokastër, specialistët e Krimit Ekonomio-Financiar në bashkëpunim me ata për Hetimin e Trafiqeve dhe Narkotikëve, kanë finalizuar opreacionin ‘Trace the floë’, duke vënë në pranga 3 anëtarë të një fisi, dhe shpallur në kërkim një tjetër. Konkretisht në pranga kanë përfunduar dy vëllezër Lutmir Koçiu 59 vjeç dhe Rebani Koçiu 56 vjeç dhe djali I këtij të fundit, Paqësor Koçiu 28 vjeç. Së bashku me të shpallurin në kërkim, djalin e 59-vjeçarit Lutmir Koçiu, Bufe Koçiu 27 vjeç, janë marrë nën akuzë për dhënie të parave me fajde, të ardhura që dyshohet se kanë burime të paligjshme dhe kriminale, nëpërmjet pikave Exchange në Tiranë dhe Gjirokastër. Të katërt janë banues në fshatin Kordhocë, Lazarat, dhe dyshohet se përmes dy subjekteve kontrollonin huadhënie me përqindje të lartë fitimi.