Kryeministri Australian Scott Morrison, tha se qeveria e tij nuk do të trembet nga fakti që facebook i bllokoi publikimin e lajmeve përdoruesve. Ai e cilësoi lëvizjen si jo miqësore ndaj australisë, arrogante dhe zhgënjyese. Facebook në fakt po reagon ndaj një ligji të propozuar që do t’i detyronte gjigandët e teknologjisë të paguanin për përmbajtjen e lajmeve në platformat e tyre. Australianët u zgjuan të enjten në mëngjes dhe panë se në faqet e tyre në Facebook nuk kishte asnjë lajm të platformave lokale dhe globale. Edhe njerëzit jashtë vendit nuk munden të lexojnë apo të kenë akses tek cdo publikim lajmesh australiane në platformë. Disa faqe qeveritare po ashtu janë bllokuar. Facebook më vonë tha se ky ishte një gabim dhe shumë prej këtyre faqeve tani janë kthyer online. Google dhe Facebook, e kanë kundërshtuar ligjin sepse ata thonë se ai nuk reflekton mënyrën se si funksionon interneti dhe penalizon në mënyrë të padrejtë platformat e tyre. Sidoqoftë, ndryshe nga Facebook, Google ditët e fundit ka nënshkruar marrëveshje për pagesa me tre kompani të ëmdha australiane mediatike. Veprimi i Facebook erdhi vetëm pak orë pasi Google pranoitë paguante Neës Corp të Rupert Murdoch për përmbajtje nga sajtet e saj të lajmeve, pjesë e perandorisë së saj mediatike. Ndërkohë, në një deklaratë të postuar në facebook, kryeministri australian, Scot Morrison, tha se kompanitë e mëdha teknologjike, mund të jenë duke e ndryshuar botën, por kjo nuk do të thotë se ato do ta drejtojnë atë. Unë- tha morrison – jam në kontakt edhe me liderë të vendeve të tjera për këtë cështje. Ne thjeshtë nuk do të frikësohemi. Morrison i kërkoi Facebook të punojë në mënyrë konstruktive me qeverinë ndërsa Google ka dëshmuar së fundmi vullnetin e mirë për këtë. Autoritetet australiane thanë se vendimi për bllokim e lajmeve ka një ndikim të madh në komunitet pasi llogaritet se çdo muaj, rreth 17 milionë australianë vizitojnë mediat sociale.