Kompania turke e mbrojtjes, Baykar, ka nisur ndërtimin e një fabrike, afër Kievit, që do të punësojë rreth 500 persona dhe do të prodhojë modelet TB2 dhe TB# të dronëve. Lajmi është konfirmuar nga vetë drejtori ekzekutiv i kompanisë. Dronët Bayraktar të Turqisë, janë bërë të famshëm në të gjithë globit pasi u përdorën nga ushtria ukrainase për të zbrapsur forcat ruse, duke shkatërruar mjete të blinduara dhe sisteme artilerie. Baykar tha se ka nënshkruar tashmë marrëveshje eksporti për dronët e saj TB2 me gjithsej 30 shtete. Këto përfshijnë Ukrainën, Etiopinë, Libinë dhe Azerbajxhanin. “Fabrika jonë po ndërtohet...na duhen rreth 12 muaj që të përfundojmë punën dhe më pas do të vendosim atje makineritë, pajisjet dhe strukturën organizative të nevojshme”, tha presidenti i kompanisë Haluk Bayraktar. Sipas tij, fabrika në ukrainë do të jetë shumë e madhe dhe fillimisht planifikohet të punësohen rreth 500 punonjës. Bayraktar nënvizoi se kapaciteti total do të jetë rreth 120 njësi në vit, por tha se nuk është vendosur ende nëse fabrika në ukrainë do të fokusohet tek modeli TB2 apo TB3. I pyetur nëse cështjet e lidhura me luftën në vijim do të përbënin shqetësim për fabrikën, ai tha se planet po vazhdojnë pa pengesa dhe se asgjë nuk do ti ndalte ato. Mes vendeve që kanë blerë dronët e famshëm turq, janë edhe shqipëria dhe kosova, ndonëse në numra shumë modestë