Misioni ajror për identifikimin e mjeteve të paidentifikuara i ndodhur më 21 shtator, ka përfunduar mirë: rusët u detyruan të largoheshin. Në poloni, F35-at e aeronautikës ushtarake italiane, të angazhuar në mbrojtjen e hapësirës ajrore të vendeve të NATO-s, kanë gjurmuar dhe dëbuar dy avionë luftarakë rusë. Episodi ndodhi më 21 shtator, kur avionët italianë, të vendosur në bazën ajrore Malbork, janë ngritur me urgjencë në fluturim për të gjurmuar dy mjete ajrore që më pas u tërhoqën. Avionët luftarakë rusë po fluturonin me sinjalizuesit e pozicioinit të fikur, duke kapërcyer korridoret e avionëve të linjave dhe duke kaluar ujërat ndërkombëtar të detit baltik me një shpejtësi dy herë më të madhe se ajo e zërit. Ngritja e avionëve italianë u urdhërua nga qendra e operacioneve ajrore në Uedem të Gjermanisë, enti i kontrollit të NATO-s që ka si detyrë kontrollin dhe ruajtjen e të gjithë gjurmëve të radarëve dhe mjeteve të dyshuara që afohen apo që tentojnë të hyjnë në hapësirën ajrore të NATO-s pa autorizim. Të gjendur ballë për ballë në 12 mijë metra lartësi, bombarduesit italianë F35A janë konfrontuar me dy Su-30 rusë që u afruan pa paralajmërim, në limitet e kufijve me poloninë. E kjo ishte një përballje në 12 mijë metra lartësi, me pilotët e të dyja palëve të mësuar me këtë lloj loje që përsëritet mjaft shpejt, jo vetëm në qiejt evropianë.