Avionët ushtarakë F35 të forcës ajrore amerikane kanë zbarkuar në Korenë e Jugut të martën në të parën ndalesë të tyre të publikuar që nga 2017-ta ndërsa aleatët dhe koreja e veriut bërthamore, janë përfshirë në një cikël demonstrimesh të forcës. Stërvitjet e përbashkëta ushtarake janë reduktuar ndjeshëm vitet e fundit, duke nisur nga 2018-ta, për shkak të përpjekjeve për tu angazhuar në kanale diplomatike me Korenë e Veriut dhe më pas për shkak të pandemisë së koronavirusit. Presidenti i koresë së jugut, Joon Suk jeol, që e mori detyrën në maj, ka tentuar të shtojë shfaqjet publike të fuqisë ushtarake të aleatëve, përfshirë stërvitjet e përbashkëta, për tiu kundërpërgjigjur një numri rekord testesh të raketave të kryera nga Koreja e veriut këtë vit. Kjo e fundit madje po përgatitet për të testuar një armë bërthamore, për të parën herë që nga 2017-ta. F35-at amerikane do të qëndrojnë në korenë e jugut për 10 ditë, tha ministria e mbrojtjes e vendit. Qëllimi i këtij dislokimi – sipas saj- është që të dëshmohet fuqia mbrojtëse e përbashkët dhe në të njëjtën kohë të përmirësohet edhe ndërveprimi mes forcave ajrore amerikane dhe atyre të koresë së jugut.