Top News – F-16 mund të mbajnë armë bërthamore / Rusia paralajmëron: Mos guxoni t’ia jepni Kievit

Ministri i jashtëm rus, Sergei Lavrov, tha të hënën se avionët luftarakë amerikanë F-16, mund të mbajnë edhe armë bërthamore dhe paralajmëroi se furnizimi i Kievit me ta do ta përshkallëzonte akoma më shumë konfliktin. “Ne duhet të kemi parasysh se me një modifikim të F-16ave, ata mund të mbajnë edhe armë bërthamore”, tha Lavrov gjatë një fjalimi në një bazë ushtarake në Dushanbe, në Taxhikistan. “Nëse ata nuk e kuptojnë këtë atëherë ata janë strategë dhe planifikues ushtarakë të paaftë”, shtoi ai. Presidenti i Ukrainës, Volodimir Zelenski ka kohë që bën apel për avionët luftarakë F-16 duke thënë se këta avionë në duart e pilotëve ukrainas do të ishin një sinjal i fortë nga bota se pushtimi rus do të përfundojë në disfatë. Presidenti amerikan, joe Biden i tha liderëve të G7-ës muajin e kaluar se Uashingtoni mbështeste programin e përbashkët të trajnimit të pilotëve ukrainas për F16-tat. Por, këshilltari amerikan për sigurinë kombëtare, Jake Sullivan, tha se nuk kishte një vendim përfundimtar nëse uashingtoni do të dërgonte apo jo avionët në ukrainë.