NATO ka ngritur me urgjencë në fluturim avionët luftarakë F-16 dhe F-35, në kufirin e saj lindor, pasi Rusia ka kryer një sulm të madh me raketa dhe dronë në Ukrainë. Trupat ruse goditën infrastrukturën energjetike në të gjithë Ukrainën duke shkaktuar ndërprerje të energjisë në vend. Raportohet se Rusia ka përdorur një sër armësh për të sulmuar Ukrainën. Mes tyre, bombarduesit strategjikë Tu-95MS që lëshuan mbi Ukrainë raketat Kh-101 dhe Kh-55. Në sulm u përdorën edhe raketat Kalibr të lëshuara nga deti si dhe dronët dhe bombat rrëshqitëse ajrore. Shkalla e sulmit bëri që aleatët perëndimorë të ngrenë në qiell avionët luftarakë shumërolësh F-16 dhe F-35, duke i nisur ata drejt krahut lindor të NATO-s, që përfshin vende të tilla si Polonia dhe shtetet baltike. “Për shkak të sulmit të Federatës Ruse, e cila po godet objekte të vendosura në territorin e Ukrainës, aviacioni polak dhe aleatët kanë filluar të operojnë në hapësirën tonë ajrore”, njoftoi Komanda Operative e Forcave të Armatosura të Varshavës. Komanda operative “dislokoi të gjitha forcat dhe mjetet në dispozicion- u tha në një deklaratë ku shtohej se “Masat e marra kanë për qëllim garantimin e sigurisë në territoret në kufi me zonat e kërcënuara. Mediat polake raportuan 'aktivitet të shtuar të avionëve të NATO-s pranë kufirit polako-ukrainas për shkak të një sulmi raketor. "Në zonën e operacioneve sigurisht që ka avionë polakë F-16 dhe me shumë mundësi edhe F-16 at e USAF ose F-35 forcat norvegjeze të vendosura në Krzesiny", thanë ato. Në shënjestër raportohet se ka qenë baza ajrore Mirhorod, në rajonin Poltava, ku është e vendosur brigada e 831 e avicionit taktik të ukrainës. Ndërkohë është sulmuar edhe infrastruktura energjetike e vendit. Ministri ukrainas i Energjisë, Herman Halushchenko, vendosi ndërprerje emergjente të energjisë me qëllim që të minimizoheshin pasojat në sistem.